الموضوع الموحد لكسر السرعة
تعريف عملية كسر السرعة : هى عملية زيادة تردد قطع الحاسوب عن ترددها الأساسى مثلا زيادة سرعة المعالج المركزى CPU من تردد 3.4 GHz لتردد 3.5 GHz للحصول علي قدرة أعلى في معالجة البيانات
هنستخدم الفيديوهات للشرح وهيكون فيه قسم تحت كل فيديو هجاوب علي كل اسلئتكم الي في الكومنتات الأسئلة تكون عن محتوى الحلقة او الحجات الي انتو متعرفوهاش
الجهاز المستخدم في كسر السرعة
Intel Core I5 4690K
GIGABYTE G1.SNIPER Z97
KINGSTON HYPER X FURY 1600 MHz 8GB
ANTEC 450W
CRYORIG R1 ULTIMATE
الجزء الأول هنشرح فيه التردد وهنشرح فيه عنق الزجاجة وشوية اساسيات كده ذي هل كسر السرعة ليه مخاطر او اي حاجه من دية
القسم الخاص بأسئلة الحلقة الأولى (اسئل في الكومنتات وهتلاقي الأجابة هنا)
H61 معرفش هيكون فيه كسر سرعة الجرافيك الداخلى intel للمعالجات الغير داعمة للكسر ولالا ؟
فيه كسر سرعه طبعا ليها بس المشكلة انك مش هتحصل علي الفرق الي انت متخيلة في الموضوع ده او بمعني أدق مش هيشغلك حاجه من الحجات التقيلة
ازاي الموضوع بالحظ ؟! ازاي بروسيسورين زي بعض و واحد عايز فولت 1.2 و التاني عايز 1.3 لسرعة مثلاً 4.5 ؟؟؟؟؟؟
كسر السعرة بيعتمد علي نقاء الشريحة الخاصة بالمعالج وده ممكن تعرفه بالباتشات والمكشلة مبقتشي باتشات بس لأ انت ممكن يبقي معاك باتش كويس ويوصل 5 جيجا مثلا علي فولت 1.28 والتاني معاه نفس الباتش ويوصل لنفس التردد بس بفولت 1.31 فالموضوع بقي حظ بس الباتش بيحددلك قدرة المعالج علي الكسر وعلشان سؤالك الجاي تعرف الباتش حلو الذاي مفيش طريقة لازم تشوف حد جربة 😀 يعني بالعربي انسي
بالنسبة للباور …… ايه القدرة المناسبة ل OC للcpu &Gpu ؟
للأسف السؤال ده سؤال عام يعني مع كل جهاز وكل مكون الدنيا بتختلف لازم تحسب القدرة الخاصة بجهازك علي الوضع الطبيعي وزودلك 200 وات لكسر السرعة لو ناوي تكسر الجهاز كله علشان تبقي في حدود الأمان ده طبعا لو كارت شاشة واحد انما لو اكتر من كارت شاشة ففيه رقم متوسط بنضيفة وهو 75 وات لكل كارت شاشة :]
—————————-
الجزء الثانى من كسر السرعة
قبل ما تخش علي الفيديو اقرى الجزء ده عن تكوين المعالج والذاي المعالج بياخد الفولت الخاص بيه
زمان البروسيسور كان بياخد الفولت بتاعة او الكهربا من دايرة البور بتاعة البوردة علشان كده كان فيه عامل كبير علي دايرة البور بتاعة البوردة الجديد في معالجات intel انهم حطو دايرة باور جوة البروسيسور برضو علشان يقللو الحمل علي دواير البوردة الخارجية وعلشان يسهلو كسر السرعة خلينا نركز مع بعض
Vccin : دية بتمثل الفولت الي داخل بدايرة البور الخاصة بالمعالج من البوردة (دايرة البور الي علي البوردة) الفولت ده بيكون بأسم VRIN في البايوس الخاص بينا وده بيكون كبير ليه ؟
علشان الفولت ده بيتقسم علي اكتر من جزء في المعالج نفسه وبمعني تاني بيتوزع يعني بيخش 1.8 فولت لدايرة البور الي بقت جوة المعالج بيتوزعو 1.1 للنواه بتاعة المعالج 0.25 مثلا لكارت الشاشة وهكذا ان مش عاوزك تشغل بالك بالرسمة او بتوزيعهم الكفرة كلها بمنتهي البساطة انك بقي عندك قولتين مسؤلين عن كسر السرعة مش فولت واحد بس الي يهمنا هو الفولت ده والفلوت الي جاي ده
Vcore: وده بيكون الفولت الي داخل لنواة المعالج فقط مينفعشي يكون الفولت ده اكبر من فولت الـ VCCIN/ VRIN حلو الزيادة في فولت الـ Vcore بيكون خرجها الحرارى كبير جداً علي المعالجات الجديدة علي عكس زيادة الفولت الخاص بدايرة الباور VIRN/VCCN
الحدود الأمنة لفولتات المعالج
Vcore: 1.35 MAX ولازم تبريد مائي 280مم او اكتر
Vccin/VRIN : 2.1 MAX ويكون فيه تبريد محترم علشان دية بتخلي معالج مستقر مع الترددات العالية برضو ليها علاقة ذي ما قولنا لازم الفرق يكون لصالح الـ Vccn بمعني تاني لو هدي للمعالج فولت 1.5 لازم يكون علي الأقل الـ Vccin = 1.9 او اكتر علشان يخلي المعالج مستقر لو مفهمتش الفيدو كفيل انه يفهمك
تنيبة هام انا غير مسؤل عن اي مشكلة تحصل في جهازك نتيجة كسر السرعة بسبب قيمة خاطئة او عدم وجود التبريد المناسب الفيديو هنكسر فيه سرعة المعالج علشان تشوفو بنعمل ايه علي الحقيقية هنكسر لتردد 4.5 جيجا هرتز
بعد ما تشوف الفيديو نتكلم علي وسائل التبريد المطلوبة للموضوع في الجدول ده
| الفولت المستخدم | السرعة | نوع التبريد الهوائي المطلوب | نوع التبريد المائي المطلوب |
|---|---|---|---|
| 1.15v-1.2v | 4200 MHz- 4300MHz | تبريد أحترافي متوسط | |
| 1.2v-1.25v | 4500 MHz- 4400MHz | تبريد أحترافي متوسط | |
| 1.25v-1.3v | 4500 MHz- 4400MHz | تبريد أحترافي متوسط | تبريد مائي بحجم 120مم-140مم |
| 1.28v-1.3v | 4600 MHz – 4700MHz | تبريد هوائى ممتاز (D15-U14S-R1) | تبريد مائي بحجم 120مم-140-240 |
| 1.32v – 1.4 v | 4600 MHz – 5000MHz | غير صالح للأستخدام | تبريد مائي بحجم 280مم من شركات قوية يجب ان تعلم جيداً ما تفعله |
القسم الخاص بأسئلة الحلقة الثانية (اسئل في الكومنتات وهتلاقي الأجابة هنا)
—————————-\
الجزء الثالث من كسر السرعة
وبنشرح فيه تأثير الفولتات علي كسر السرعة وتحديداً الـ VRIN و Vcore
الجزء الرابع من كسر السرعة
لو حسيت انك بتتعلم او بتستفاد
أعمل شير للموضوع